MAGRE-RELEASE ang OPM band na Sponge Cola ng Korean version ng kanilang kanta na “Tatlong Buwan,” na inspired ng sikat na K-drama na “Queen of Tears.”
Sinabi ng lead vocalist at guitarist na si Yael Yuzon na challenging ang pagre-record ng kanta kaya naman malaki ang kanyang pasasalamat sa tulong ng “It’s Showtime” host na si Ryan Bang.
Aniya, matiyaga siyang binantayan ni Ryan at kitang-kita niya ang frustration nito kapag nagkakamali siya ng bigkas ng salita.
Inihayag ni Yael na bilang fan ng K-drama at K-Pop, isang oportunidad na matuto ng panibagong lengguwahe.
Ang Korean version ng “Tatlong Buwan” ay mapakikinggan ngayong Hulyo.
Kamsahamnida!
