Pilipinas, mag-aangkat ng galunggong, mackerel, at iba pang mga isda

PLANO ng Department of Agriculture (DA) na payagan ang importasyon ng karagdagang walunlibong metriko tonelada ng mga isda na target maideliver sa unang dalawang linggo ng Disyembre.

Sinabi ni DA Assistant Secretary at Spokesperson Arnel de Mesa, na kabilang sa planong angkatin ay galunggong, mackerel, moon fish o chabita, at bonito, upang matiyak na walang biglaang pagtaas sa presyo, matapos ang sunod-sunod na paghagupit ng bagyo, at sa gitna ng umiiral na closed fishing season sa ilang lugar para magparami ng isda.