HINDI magpapadala ang Pilipinas ng Navy Ships sa Panatag o Scarborough Shoal, kabila ng panibagong Harassment ng Tsina kamakailan.
Ipinaliwanag ni National Maritime Council (NMC) Spokesperson Undersecretary Alexander Lopez na malinaw ang direktiba ni Pangulong Ferdinand Marcos Jr. na hindi dapat mauna ang Pilipinas sa paglikha ng gulo.
Mosyon ng Kamara sa nabasurang Articles of Impeachment laban kay VP Sara, ipinababasura sa Supreme Court
Comprehensive Economic Partnership Agreement, lalagdaan na ng Pilipinas at UAE
AKAP Program, magpapatuloy sa kabila ng Zero Proposed Budget para sa 2026
Mahigit 1,300 posts na pawang peke at malisyoso, pinaaalis ng PNP sa Meta
Binigyang diin din ni Lopez na ang pagde-deploy ng Navy Vessel ay nangangahulugan ng tila paghahamon ng digmaan, na taliwas sa polisiya ng ating pamahalaan.
Sinabi ng opisyal na sa kabila ng pagpapadala ng China ng People’s Liberation Army Warship sa lugar, ay hindi nagde-deploy ng Navy Vessel ang bansa.
Ito, aniya ay dahil maaring magresulta sa Misjudgement at Miscalculation ang engkwentro na iniiwasang mangyari ng Pilipinas.
Idinagdag ni Lopez na sakaling lumala ang gulo ay hindi lamang Pilipinas ang maaapektuhan kundi pati na ang China, kaya mas mainam na pairalin ang pagiging mahinahon.
