INALIS ng European Commission, Executive Body ng European Union, ang Pilipinas mula sa kanilang listahan ng High-Risk Countries para sa Money Laundering at Terrorism Financing.
Sa statement, inanunsyo ng Komisyon, ang pag-delist sa Pilipinas, kasama ang Barbados, Gibraltar, Jamaica, Panaman, Senegal, Uganda, at United Arab Emirates, sa kanilang updated list ng High-Risk Jurisdictions for Financial Crimes.
Sinabi ng EU Body, na ang updated list ay bunga ng mahigpit na pagbabantay ng Financial Action Task Force (FATF), partikular sa kanilang listahan ng “Jurisdictions Under Increased Monitoring.”
Magugunitang inanunsyo noong Pebrero ng FATF na hindi na kabilang ang Pilipinas sa ilalim ng Increased Monitoring para sa Money Laundering at Terrorism Financing o “Grey List.”
