BAHAGI na ng Women’s Tennis Association (WTA) Tour ang Pilipinas, na siyang magbibigay daan sa posibleng home tourney para kay Filipina Tennis Sensation Alex Eala.
Sa unang pagkakataon sa kasaysayan, idinagdag ng WTA ang Manila para sa kanilang 2026 Calendar.
ALSO READ:
Tatawagin itong Philippine Women’s Open na gaganapin sa January 26 hanggang 31, sa hindi pa inaanunsyong venue.
Una nang inihayag ni Philippine Sports Commission (PSC) Chairman Patrick “Pato” Gregorio na maaring magsilbing isa sa mga venue ang tennis center na under renovation sa Rizal Memorial Sports Complex.
Bukod pa rito ang itatayong 10-Hectare Philippine Tennis Center sa New Clark City sa pagtutulungan ng PHILTA at Bases Conversion and Development Authority.




