Hinimok ng PhilHealth ang mga miyembro nito na gamitin ang kanilang member portal para “ligtas na ma-access” ang kanilang data, sa gitna ng data breach sa ahensya.
Gamit ang inyong mobile phone o computer na may internet access ay pwede na kayo magparehistro sa PhilHealth member portal.
Kailangan lang magparehistro gamit ang PhilHealth Identification Number (PIN) at email address.
Ito ang mga dapat gawin para makapagparehistro.
- Bisitahin ang https://www.philhealth.gov.ph/
- I-click ang Online Services, Member Portal at Create Account.
- Punan ang Member Portal Creation Page.
- I-activate ang iyong account sa pamamagitan ng link na ipinadala sa iyong email address.
- Kapag na-activate na, mag-log-in sa PhilHealth member portal.
Sa PhilHealth Member Portal makikita ang Membership record, Premium contribution record, magdownload ng Member Data Record (MDR) at tumanggap ng bayad para sa mga self-paying members.