Nasakote ng National Bureau of Investigation (NBI) ang pekeng abogado na umano’y nag-aalok sa mga mag-asawa ng “non-appearance annulments” sa halagang 500,000 hanggang 700,000 pesos.
Ayon kay NBI Batangas Chief, Atty. Christopher Hernandez, binigyan ang mga biktima ng court decision ng annulment subalit nang i-verify ito sa Philippine Statistics Authority (PSA), ay lumalabas na peke ang ibinigay na dokumento.
Idinagdag ni Hernandez na una nang inaresto ang suspek ng CIDG Cavite-Dasmarinas dahil sa kaparehong kaso noong Marso, subalit maaring nakapag-piyansa kaya tuloy ito sa pagsasagawa ng iligal na aktibidad.
Kinumpirma rin ng NBI Batangas na hindi kasama ang suspek sa roll of attorneys ng Supreme Court.
