Pangulong Bongbong Marcos, pinapurihan ang mga sundalong Pilipino dahil sa pagiging kalmado at propesyonal

PINAPURIHAN ni Pangulong Ferdinand “Bongbong” Marcos Jr. ang mga sundalong naka-destino sa Palawan dahil sa pagiging kalmado at propesyonal sa gitna ng mainit na pagtatalo laban sa mga miyembro ng China Coast Guard sa Ayungin Shoal noong nakaraang linggo.

Sa kanyang talumpati sa meet-and-greet sa Western Command Personnel sa Puerto Princesa, sinabi  ng Commander-In-Chief na hindi na dapat pang maulit ang pinakahuling Maritime Aggression ng China sa Resupply Mission para sa BRP Sierra Madre.