INANUNSYO ni Pangulong Ferdinand “Bongbong” Marcos Jr. ang nakatakdang pagho-host ng Pilipinas sa Association of Southeast Asian Nations (ASEAN) Summit sa 2026.
Sa ASEAN Summit Plenary ng 43rd asean Summit and related summits sa Indonesia, inihayag ng Pangulo ang kahandaan ng Pilipinas na maging chairman ng ASEAN, tatlong taon mula ngayon.
Kasabay nito’y tiniyak ni Marcos na palalakasin nila ang pundasyon ng community-building.
Umaasan rin ang punong ehekutibo sa suporta mula sa kapwa ASEAN member-states, at patuloy itong makikipagtulungan upang mapalakas ang ASEAN centrality, at maitaguyod ang kapayapaan, seguridad, at kasaganahan sa rehiyon.
Sinalo ng Pilipinas ang pagho-host sa 2026 ASEAN Summit matapos itong bitawan ng Myanmar sa harap ng domestic situation sa kanilang bansa.
