MULING ipinaalala sa mga deboto ng Itim na Poong Nazareno na ipinagbabawal ang pagsampa sa Andas o sa karwaheng pinagpapatungan ng Imahen.
Sinabi ng tagapagsalita ng Quiapo Church na si Father Robert Arellano, na noong pang nakaraang taon nila ipinagbawal ang pag-akyat sa andas subalit mayroon pa ring mga deboto na nagtangkang sumampa.
Idinagdag ni Arellano na binago ang disenyo ng andas para sa Traslacion ngayong taon upang walang matutung-tungan ang mga deboto.
Mayroon pa rin naman aniyang Krus na naka-awang sa likuran para makita ang bahagi ng Imahen subalit wala nang espasyo sa magkabilang dulo na pwedeng tapakan para makasampa sa Andas.