KINONDENA ng Lokal na Pamahalaan ng Matuguinao sa Samar ang pagpaslang ng New People’s Army (NPA) sa isang sundalo sa gitna ng pagganap nito sa tungkulin sa mga liblib na komunidad.
Tinawag ni Mayor Aran Boller na “terroristic act” ng NPA ang insidente na pumatay kay Corporal Bobby Barocaboc noong Feb. 2 sa bulubunduking bahagi ng Barangay San Roque.
Wala pang inilalabas na detalye ang Philippine Army hinggil sa pinakabagong engkwentro sa Matuguinao.
Ayon naman sa militar, idineploy si Barocaboc bilang bahagi ng tropa na nagbabantay ng seguridad para sa paghahatid ng social at basic services sa mga komunidad, lalo na sa geographically isolated at disadvantaged areas.
