PINAYAGAN na ng Bureau of Internal Revenue (BIR) ang paggamit ng natitirang Official Receipts (ORs) hanggang sa tuluyang maubos ito, sa halip na hanggang sa December 31, 2024 lamang.
Sinabi ni BIR commissioner Romeo Lumagui Jr. na maari na ring isumite ang inventory reports and/or notice sa pamamagitan ng email.
Ayon sa ahensya, ang bagong direktiba sa ilalim ng Revenue Regulation no. 11-2024 at Revenue Memorandum Circular no. 66-2024, ay inilabas upang mas maging accommodating sa taxpayers ang transition ng system sa ilalim ng Ease of Paying Taxes (EOPT) Act.
Matapos maisabatas ang EOPT, inihayag ng BIR na pinagsikapan nilang ipagtugma ang iba’t ibang mga regulasyon, sistema, at proseso na nasa ilalim ng kanilang mandato.
