POSIBLENG tumagal pa ng dalawa hanggang tatlong taon bago makabalik ang swine population ng Pilipinas sa Pre-African Swine Fever (ASF) Levels, ayon sa Department of Agriculture (DA).
Sinabi ni Agriculture Assistant Secretary Arnel de Mesa, na nakikita na nila ang senyales ng recovery sa Local Hog Industry.
Inihayag ni de Mesa na ongoing ang controlled vaccination sa mga baboy at naging maganda ang resulta sa mga lugar na nagkaroon ng bakuna.
Sa ngayon ay naghihintay pa ang DA ng approval mula sa Food and Drug Administration para sa clearance sa commercial rollout ng ASF vaccine ngayong taon, bago ang pagpapatupad ng agresibong repopulation plan upang maibalik ang domestic production sa Pre-ASF Levels pagsapit ng 2028.
