PATAY ang isang Pari makaraang masalpok ng SUV ang minamaneho nitong motorsiklo sa Bayan ng Llorente, sa Eastern Samar.
Kinilala ang biktima na si Father Alejandro “Alex” Galo, residente ng Maydolong, Eastern Samar, at tagapangulo ng ilang komite sa ilalim ng Diocese of Borongan.
Sa inisyal na imbestigasyon, sakay ng kanyang motorsiklo ang animnapu’t anim na taong gulang na Pari, nang mabangga ng SUV sa pakurbadang bahagi ng kalsada, sa Barangay Naubay.
Sa ngayon ay nasa kustodiya na ng Llorente Municipal Police Station ang driver ng nakabanggang sasakyan.
