WALANG maiuuwing medalya ang Filipino boxer na si Eumir Marcial mula sa Paris Olympics.
Ito’y matapos matalo si Marcial sa pamamagitan ng puntos sa kalabang Uzbekistan sa Round-of-16 ng Men’s 80kg Division, sa North Paris Arena.
Maraming pinoy ang nalungkot para kay Marcial na umaasang makapag-uuwi muli ng medalya matapos magwagi ng Bronze Medal sa Tokyo Olympics noong 2021.
Si Marcial ang unang Filipino boxer na nagtapos ang kampanya sa Olympics, makaraang kapwa umabante sina Aira Villegas at Nesthy Petecio sa kani-kanilang weight classes.