LIMA mula sa dalawampu’t pitong Filipino Seafarers ng MV Transworld Navigator na inatake ng Houthi rebels sa Red Sea ang nakabalik na sa Pilipinas.
Ang unang batch ng Pinoy Seafarers mula sa Liberian-Flagged and Greek-Owned Cargo Ship ay ni-repatriate sa pamamagitan ng Emirates Flight na dumating sa Ninoy Aquino International Airport (NAIA) Terminal 3, kahapon.
Ang mga umuwing Seafarers ay sinalubong ng mga Opisyal ng Department of Migrant Workers (DMW) at Overseas Workers Welfare Administration (OWWA).
Inihayag ni DMW Assistant Secretary for Sea-Based OFW Concerns Jerome Pampolina na pabalik na rin ang mga naiwang tripulante na ang iba ay naka-schedule dumating bukas habang ang isang batch ay sa miyerkules ng hating gabi ang flight.