MAGTATAYO ang Northern Samar Provincial Government ng Hemodialysis Center sa bayan ng Allen, upang mabawasan ang pinansyal na pasanin ng mga pasyenteng nagpapa-dialysis sa lalawigan.
Ang naturang pasilidad ay isa sa tatlong bagong Dialysis Centers na malapit nang i-operate ng provincial government, upang matugunan ang pangangailangan ng mga pasyente mula sa Balicuatro Area o sa hilagang kanlurang bahagi ng lalawigan.
Habang ang isa pa ay planong ilagay sa Laoang GB Tan Hospital para sa mga pasyenteng mula sa Pacific Area ng probinsya.
Sa kasalukuyan ay ang Northern Samar Provincial Hospital ang tanging health facility sa Northern Samar na tumutugon sa dialysis requirements ng mga pasyente, dahilan para dumayo pa ang iba sa mga pribadong pasilidad sa lalawigan, at mga kalapit na Calbayog City at Tacloban City.
