LUMOBO ng halos 205% ang multang nakolekta mula sa mga lumabag na motorista sa Metro Manila, sa unang quarter ng 2024 kumpara sa kaparehong panahon noong nakaraang taon.
Ayon sa Land Transportation Office – National Capital Region, kabuuang 26,498,535 pesos ng government revenue ang nakolektang multa simula Enero hanggang marso ngayong taon.
Umabot sa 10,488 na mga motorista ang nahuli bunsod ng iba’t ibang traffic violations, kumpara sa 3,662 na naitala sa unang tatlong buwan ng 2023.
Karamihan sa traffic violations ay kinasasangkutan ng unregistered motor vehicles at driving vehicles with defective accessories, devices, equipment, o parts.
