IBINUNYAG ng Presidential Anti-Organized Crime Commission (PAOCC) na mayroon pa ring pre-registered sim cards na binebenta sa facebook marketplace na maaring gamitin sa mga iligal na aktibidad.
Sinabi ni PAOCC Executive Director Gilbert Cruz na dahil dito ay kailangan pang dagdagan ang safety nets sa pagre-rehistro ng sim cards.
Aniya, dapat ay mayroong accountable person bawat sim card at hindi ito maaring ibenta ng bultuhan o maramihan.
2022 nang maging ganap na batas ang Republic Act No. 11934 o Sim Registration Act, sa layuning masawata ang mga krimen, gaya ng text at online scams sa pamamagitan ng paghihigpit sa pagbebenta at paggamit ng sim cards.
