LUMIPAT ang munisipalidad ng Guiuan sa Eastern Samar sa solar power bilang cost-effective electricity source at para isulong ang renewable energy.
Nakipag-partner ang Guiuan sa Institute for Climate and Sustainable Cities (ICSC), na isang international non-government organization, para sa pagkakabit ng 60-kilowatt-peak rooftop solar photovoltaic system sa kanilang municipal building.
Ayon kay Energy Assistant Secretary Mylene Capongcol, makatutulong ang 60-kilowatt-peak hybrid solar system sa munisipalidad na makatipid sa gastos sa kuryente at magagamit ng lokal na pamahalaan ang kanilang savings para sa iba pang programa at investments.
Inihayag ni Mayor Analiza Gonzales-Kwan na maaring maresolba sa pamamagitan ng solar power project ang brownout na regular nilang nararanasan sa Guiuan.
