OPISYAL nang binuksan ng Metropolitan Manila Development Authority (MMDA) ang kanilang motorcycle academy sa Pasig City.
Ayon sa MMDA, layunin ng motorcycle riding academy na isulong ang kamalayan para sa kaligtasan sa kalsada sa mga pangunahing lansangan sa Metro Manila.
Ang academy ay nag-a-alok ng free lessons sa basic motorcycle riding, anger management at emergency response para sa mga baguhan at existing riders na nangangailangan ng refresher.
Sa kasalukuyan, ang motorcycle academy ay mayroong isandaang motorsiklo na maaring gamitin ng mga estudyante.
