NAGBABALA ang militar sa New People’s Army (NPA) ng mas maigting na operasyon kung hindi sila susuko.
Dismayado si Major Gen. Adonis Orio, Commander ng 8th Infantry Division, dahil sa patuloy na paghahasik ng kaguluhan ng NPA sa kabila ng mga hakbang ng pamahalaan na hikayatin silang sumuko at mapayapang makihalubilo sa lipunan.
Sinabi ni Orio na kung hindi aabandonahin ng mga rebelde ang armadong pakikibaka at kanilang ligaw na ideolohiya, patuloy na magkakaroon ng mga trahedya.
Ginawa ng opisyal ang pahayag matapos mapaslang sa engkwentro ang dalawang rebelde sa bulubunduking Barangay sa Las Navas, Northern Samar noong March 23 at 28.
