NAGTIPON-tipon ang mga tagasuporta ni Vice President Sara Duterte sa Rizal Park sa Davao City noong sabado ng gabi, kung saan nagsindi sila ng mga kandila at nagsagawa ng prayer rally.
Tinaya sa animnaraang katao ang lumahok sa aktibidad na inorganisa ng hugpong sa tawong lungsod party.
Binatikos ng grupo ang kamara dahil sa anila ay hindi patas na trato sa Office of the Vice President (OVP).
Nagpahayag ng matinding galit si vp Sara nang ipag-utos ng kamara na ilipat ang kanyang Chief of Staff na si Undersecretary Zuleika Lopez sa Correctional Institution for Women (CIW) sa Mandaluyong City mula sa house facility noong biyernes ng hatinggabi.
