Kwela ngunit makabuluhang vlog ang inilabas ngayong araw ni celebrity host Melai Cantiveros-Francisco sa kanyang official Facebook page at Instagram account kung saan inilarawan nito ang mga pangkaraniwan ngunit paulit-ulit na ginagamit na istilo ng panloloko sa mga manggagawa at mga naghahanap ng trabaho.
Unang na-expose ang mga job scam na “too good to be true offer” tulad nito: “Hired agad! Walang interview! Kita P50,000 kada linggo! Click the link below!”
Inexpose din ang modus na kung saan nanghihingi muna ng investment, deposito o paunang bayad ang mga scammer gaya ng alok na: “No work, easy money! Mag-invest ka lang ng P5,000 at mag-recruit ng lima!”
Maging sa mga nagnanais maging OFW (Overseas Filipino Workers) ay may paalala rin ang host na huwag agad maniniwala sa mga recruiter na nanghihingi ng placement fee lalo na at wala naman itong lisensya o tamang mga accreditation.
Hirit ni Cantiveros-Francisco sa mga job scam, mas mabaho pa ang mga ito kaysa bad breath.
Kung nangangamoy “mabaho” umano ang alok na trabaho ay siguradong scam o panloloko lamang ito kung kaya’t hindi dapat patulan ayon kay Cantiveros-Francisco.
Ilan lamang sa mga dapat tignan upang malaman kung “legit” ang trabaho ay kung ito ay hindi nanghihingi ng pera, may malinaw na kontrata, at magbibigay ng mga tamang benepisyo.
Ang kanyang adbokasiyang labanan ang mga job scam, na isang uri ng fake news, ay sinususugan rin umano ng TRABAHO Partylist (bilang 106 sa balota) na kakampi ng mga mangagagawang Pilipino sa pagsisiguro ng kanilang ligtas at patas na working condition.
