NAKATAKDANG gawaran ng Film Development Council of the Philippines (FDCP) ang apat na distinguished figures sa Philippine Cinema ng Lifetime Achievement Awards sa 2025 parangal ng sining, bilang pagkilala sa kanilang malaking kontribusyon sa sining at industriya ng pelikula.
Ayon kay FDCP Chairperson Jose Javier Reyes, ang tema ngayong taon na “Ang Mga Higante ng Kasaysayan ng Ating Pelikula: Tradisyon at Ebolusyon,” ay magbibigay pugay sa mga artist na humubog at patuloy na humuhubog sa direksyon ng Philippine cinema.
Ang Lifetime Achievement Award ay ipagkakaloob kina Dating Pangulong Joseph Estrada, Veteran Media Executive and Actress Charo Santos-Concio, Filmmaker and Actress Laurice Guillen, at Internationally Acclaimed Indie Director Lav Diaz.
