BALIK-Pilipinas ang Filipino pole vault star na si EJ Obiena, hindi lamang para bumisita.
Magsasagawa ang two-time Olympian ng full-blown training camp, sa kanyang unang home soil, sa Ayala Vermosa Sports Hub sa Cavite.
Kasama ni Obiena sa training ang kanyang inner circle na kinabibilangan ng legendary coach na si Vitaly Petrov, Physiotherapist Christian Fernandi, at Saudi Arabian Pole Vaulter Hussain Al Hizam.
Bahagi ito ng paghahanda ni Obiena para sa isang jam-packed outdoor season, kasama ang major tournaments sa China at South Korea, at maging Southeast ASIAN Games ngayong taon.
Dahil sa back-to-back competitions na naka-line up sa iba’t ibang bahagi ng asya, nagpasya si Obiena at ang kanyang team na mag-base sa Pilipinas upang mabawasan ang pagod sa mga biyahe.
