7 February 2025
Calbayog City
Business

Mga isdang ibinagsak sa fishports sa buong bansa, lumobo ng 55% noong Mayo

LUMOBO ng 55 percent ang volume ng mga nahuling isda at ibinagsak sa mga regional fishports noong Mayo.

Sa report ng Philippine Fisheries Development Authority (PFDA), umakyat sa 66,587.86 metric tons ang ibinagsak na mga isda sa mga fishport mula sa 42,814.9 metric tons noong May 2023.

Ayon sa PFDA, ang dumaming huli ay sa kabila  ng epekto ng El Niño at pagsisimula ng tag-ulan na maaring makaapekto sa mga isda at pangingisda.

Nakapagtala ang General Santos Fishport Complex ng deliveries na 34,747.19 metric tons, mahigit doble ng 15,788 metric tons noong nakaraang taon.

Tumaas naman ng 18.7 percent o sa 23,312.20 metric tons ang deliveries sa Navotas Fishport noong ikalimang buwan.

Sumunod sa may pinakamaraming deliveries ang Iloilo Fishport, Bulan Fishport sa Sorsogon, Lucena  Fishport Complex, Zamboanga Fishport, Davao, at Sual sa Pangasinan..

ricky
A seasoned broadcast journalist, a former news reporter/anchor of Inquirer Television/Radio Inquirer-Manila under the Inquirer Group of Companies (IGC).

Leave a Reply

Your email address will not be published. Required fields are marked *