NANANATILING undefeated ang Gilas Pilipinas Girls matapos tambakan ang koponan ng Lebanon sa score na 89-63 sa 2024 Fiba Under 19 Asia Cup Division B, sa China.
Pinangunahan ng disi otso anyos na si Naomi Panganiban ang Gilas Girls sa pamamagitan ng 25 points, 7 rebounds, 8 assists, at 4 steals.
Dahil sa panibagong panalo, umakyat ang Pilipinas sa 2-0 at nanguna na sa Group B habang ang Lebanon ay bumaba sa 1-1 Win Loss Record.
Sunod na makakalaban ng Gilas Girls ngayong Miyerkules ang Syria at kung sino ang mananalo ay papasok sa Semifinals.
Ang magwawagi naman sa Torneyo ay mabibigyan ng promosyon sa 2026 Fiba Under 18 Women’s Asian Championship.
