7 February 2025
Calbayog City
National

Mga barangay na apektado ng ASF, dumami pa!

asf

Umakyat na sa apatnaraan limampu’t walo ang mga barangay na apektado ng African Swine Fever (ASF), o katumbas ng 82 percent na paglobo kumpara sa naitala ng Bureau of Animal Industry (BAI) nang pumasok ang buwan ng Agosto.

Sa latest bulletin, as of Aug. 21, ang naitalang 458 barangays na mayroong active ASF cases ay mula sa tatlumpu’t dalawang lalawigan sa labinlimang rehiyon sa bansa.

Kumpara ito sa datos noong Aug. 8, kung saan 251 barangays mula sa dalawampu’t dalawang probinsya sa labing isang rehiyon ang apektado ng ASF.

Sinabi ni Agriculture Assistant Secretary for Poultry and Swine Dante Palabrica, na inaasahan na nila ang paglobo ng mga bilang, sa gitna ng maulang panahon.

Idinagdag ng opisyal na ang paglaganap ng ASF ay posibleng dahil din sa mga tiwaling negosyante na nagbi-biyahe ng mga baboy na mayroong sakit.

donna cargullo
A passionate Mom of Three Kids, A Hands-on Loving Wife to Junmar. A top caliber News Producer who worked previously from Different News Organizations based in Manila like Radyo Inquirer & RMN Manila. Currently one of the producers of BuenaMano Balita & at the same time the Chief Correspondent of IR Calbayog.