HUMINGI ng paumanhin ang Filipino Pole Vaulter at World No. 2 na si EJ Obiena matapos kapusin sa kanyang kampanya sa 2024 Paris Olympics.
Nagtapos si Obiena sa ika-apat na pwesto sa pole vault finals makaraang ma-clear ang 5.90 meters, na kaparehong height na na-clear ng pambato ng Greece na nagkamit ng bronze medal.
Gayunman, kinapos para sa medalya si Obiena dahil mas kaunti ang attempts ng katunggaling Griyego kumpara sa kanya.
Sa social media post, inilarawan ni Obiena ang pagiging pang-apat sa sports na may tatlong podium places, bilang “harshest place to be” o pinakamasakit na lugar.
