NAGSAMA sa isang entablado ang K-Pop Star na si Sandara Park at “Kings of P-Pop” na SB19 sa ACER Day 2024 sa Mall Of Asia Arena.
Nag-perform sina Sandara at SB19 ng kanilang collaboration song na “Reset” na labis na ikinatuwa ng mga manonood.
Sinabi ni Pablo na siyang lider ng P-Pop group na hindi sila nahihirapang mag-english kapag kasama nila si Sandara dahil napaka-fluent pa rin nitong mag-tagalog.
Sa bahagi naman K-Pop Star, inamin niya na fan din siya ng SB19 at sumasayaw din siya ng “Gento.”
Bukod sa SB19, nagkaroon din ng production number si Sandara sa P-Pop Girl Group na G22, sa pamamagitan ng kantang “In Or Out” ng K-Pop Star.
Nakasama rin ng SB19 ang G22 nang kantahin at sayawin nila ang “Limitless.”
