UMANIB si Makati City Mayor Abby Binay sa Nationalist People’s Coalition (NPC), ayon kay Rizal Cong. At Party Stalwart Jack Duavit.
Sa hiwalay na post sa X, mayroong litrato si Binay habang nanunumpa sa harap ng NPC Members na kinabibilangan ni Duavit, kanyang mister na si Makati Rep. Luis Campos, at Presidential Legislative Liaison Office Head Mark Leandro Mendoza.
Noong May 18 ay lumagda ang Marcos-Led Partido Federal ng Pilipinas ng alliance agreement sa NPC.
Si Binay ay nasa ikatlong termino na niya bilang alkalde ng Makati habang ang kanyang kapatid na si Nancy ay nasa huling termino na rin nito bilang senador.
Una nang inihayag ni Nancy ang kanyang intensyon na tumakbo bilang mayor ng Makati sa 2025 elections subalit kakausapin muna niya ang kanyang kapatid na si Abby.