INISYUHAN ng Land Transportation Office (LTO) ng Show Cause Order ang may-ari ng truck na nasangkot sa karambola ng mga sasakyan sa Atimonan, Quezon, ayon sa Department of Transportation (DOTr).
Sa report ng LTO, nasawi ang driver ng truck matapos mawalan ng kontrol sa kahabaan ng Maharlika Highway at sumalpok sa dalawa pang truck.
Limang iba pa ang nasugatan sa insidente at isinugod sa ospital para malapatan ng lunas.
Patungo ang truck sa Bicol, habang ang dalawang iba pa ay pa-Maynila nang mangyari ang insidente.
