Lisensya ni John Amores, kinansela ng Games and Amusement Board

HINDI na makapaglalaro sa professional leagues sa bansa ang Filipino basketball player na si John Amores, makaraang bawiin ng Games and Amusement Board (GAB) ang kanyang lisensya.

Kinumpirma ng GAB na napatunayang guilty si Amores sa “conduct unbecoming of a professional basketball player.”

Nakumpleto na ng ahensya ang kanilang imbestigasyon sa Northport player matapos masangkot sa insidente ng pamamaril sa Lumban, Laguna noong Setyembre.