Pinag-aaralan ng Bangko Sentral ng Pilipinas na atasan ang mga Philippine financial institutions na limitahan ang gaming access ng kanilang mga user para maprotektahan ang mga ito laban sa online gambling.
Ayon sa BSP, mayroon nang draft ng circular para sa nasabing kautusan at isinasailalim na lamang ito sa review.
Sa ilalim ng circular, ang lahat ng BSP-supervised institutions (BSIs) gaya ng mga bangko at electronic money issuers ay aatasang protektahan ang kanilang mga user laban sa online gambling.
Bago tuluyang ilabas ang circular sinabi ng BSP na kailangang matiyak na mababalanse ng polisiya ang pagprotekta sa consumers at pagpapanatili ng paggamit ng digital payments sa mga negosyo.
Una nang naghain ng panukalang batas si Senator Sherwin Gatchalian para higpitan ang regulasyon sa online gambling at kasama dito ang pag-ban sa paggamit ng e-wallet para dito.
