HINARANG ng Security Screening Officers (SSOs) ng Office for Transportation Security (OTS) ang isang pasahero matapos makita ang sobra-sobrang pera na nasa bagahe nito nang dumaan siya sa Routine Security Screening sa Ninoy Aquino International Airport Terminal 3.
Nadiskubre ang mga pera nang sumalang sa X-ray ang bagahe ng pasahero na patungong Hong Kong.
ALSO READ:
Mahigit P386-M na jackpot prize sa Ultra Lotto napanalunan ng nag-iisang bettor
DMW kumpiyansang maaabot ang 100 percent budget utilization ngayong taon
Dagdag na $100 sa minimum wage ng mga Pinoy domestic helpers ipatutupad ng DMW
Mga Pinoy marino na naipa-deport pauwi ng Pinas, inilapit ni Sen. Raffy Tulfo kay US Ambassador Carlson
Sa ginawang Manual Inspection, natuklasan na dala ng pasahero ang 58 bundles ng $100 bills na nagkakahalaga ng $580,000 USD, at ₱1,200,000 na cash. Sa kabuuan ay aabot sa ₱34 million ang dala niyang cash na hindi niya idineklara.
Pinaalalahanan ng OTS ang mga pasahero na sundin ang polisiya ng paliparan sa pagdadala ng cash.
