HINDI makapaglalaro si Phoenix Suns Star Kevin Durant dahil kailangang isailalim sa re-evaluation ang na-sprain nitong kaliwang ankle o bukong-bukong sa loob ng isang linggo, batay sa report ng ESPN.
Hindi na naituloy ng veteran forward ang paglalaro sa second half ng game kung saan nanalo ang Suns sa score na 104-93 laban sa bumisitang San Antonio Spurs, noong martes ng gabi, oras sa Amerika.
Na-injure ang trenta’y sais anyos na si Durant nang matapakan nito ang paa ni Julian Champagnie ng San Antonio, mahigit apat na minuto ang nalalabi bago matapos ang second quarter.
Kababalik lamang ni Durant sa nba noong Nov. 26 mula naman sa left calf strain injury.