MAGPAPAHINGA muna sa paglalaro sa Choco Mucho si Kat Tolentino sa nagpapatuloy na kampanya ng koponan sa PVL All-Filipino Conference matapos sumailalim sa operasyon kahapon.
Sa statement, isiniwalat ng Choco Mucho na na-ospital noong Lunes si Tolentino at na-diagnose na may ruptured appendix.
Idiniretso ang veteran opposite hitter sa operasyon at ngayon ay nagpapagaling na.
Nangyari ang insidente, ilang araw maytapos ang reverse sweep ng Flying Titans laban sa Zus Coffee noong Sabado.
Samantala, magbabalik aksyon ang Choco Mucho, bukas laban sa PLDT.
