Kabuuang pinsala ng bagyong Carina at habagat sa agrikultura, pumalo sa 4.72 billion pesos

UMABOT sa mahigit apat na bilyong piso ang halaga ng pinsala sa agrikultura ng pinagsanib na epekto ng Super Typhoon Carina at pinaigting na habagat matapos manalasa noong Hulyo.

Sa final bulletin ng Department of Agriculture – Disaster Risk Reduction and Management Operations Center, 4.72 billion pesos ang kabuaang halaga ng produksyon na nawala o nalugi sa mga pananim, livestock, poultry, at fisheries, matapos ang masusing assessment ng regional field offices ng ahensya sa mga lugar na naapektuhan ng masamang panahon.