UMABOT sa mahigit apat na bilyong piso ang halaga ng pinsala sa agrikultura ng pinagsanib na epekto ng Super Typhoon Carina at pinaigting na habagat matapos manalasa noong Hulyo.
Sa final bulletin ng Department of Agriculture – Disaster Risk Reduction and Management Operations Center, 4.72 billion pesos ang kabuaang halaga ng produksyon na nawala o nalugi sa mga pananim, livestock, poultry, at fisheries, matapos ang masusing assessment ng regional field offices ng ahensya sa mga lugar na naapektuhan ng masamang panahon.
Naitala ang damage at losses sa mga taniman at palaisdaan sa labindalawang rehiyon na nakaapekto sa 82,824 hectares ng agricultural areas.
Ang mga apektadong rehiyon ay kinabibilangan ng Cordillera Administrative Region, Ilocos, Cagayan Valley, Central Luzon, Calabarzon, Mimaropa, Bicol Region, Western at Eastern Visayas, Zamboanga Peninsula, SOCCSKSARGEN, at Caraga.
