INILUNSAD ng pamahalaang panlalawigan ng Samar ang isa sa mga bago nitong programa na naka-sentro sa Human Capital Development na “Jobsnext 2.0 Program” sa Tandaya Hall sa Catbalogan City.
Ang Jobsnext ay isang skills development program na ipinatupad ng Philippine Business for Education (P-BEd), sa pakikipagtulungan ng Citi Foundation.
Layunin ng programa na bigyan ang workforce ng skills para sa trabahong mapakikinabangan sa hinaharap, sa pamamagitan ng industry-relevant, up-to-date, at demand-driven training programs, sa pakikipagtulungan ng Local Government Units.
Noong huling bahagi ng 2022, ang provincial government ng Samar, sa pamamagitan ni Governor Sharee Ann Tan, ay lumagda ng partnership sa P-BEd para sa Jobsnext Program sa lalawigan.
