Tide Embankment Project sa Leyte, nais makumpleto ni Pangulong Marcos sa lalong madaling panahon

NANAWAGAN si Pangulong Ferdinand Marcos Jr. para sa agarang pag-kompleto ng Leyte Tide Embankment Project, na isang dekada nang under construction.

Sa kanyang talumpati sa Burauen Community College sa Leyte, sinabi ng Pangulo na idinesenyo ang proyekto para magsilbing proteksyon sa coastal communities mula sa malalaking alon.

Aniya, dapat itong bigyan ng atensyon dahil mapagbubuti nito ang disaster resilience.

Inihayag ni Pangulong Marcos na lagpas kalahati na ang nagawa sa naturang project at hangad niya na sa lalong madaling panahon ay matapos na rin ito ng Department of Public Works and Highways.