TAGUMPAY ang pagbabalik ni Jimmy Butler sa hardcourt mula sa injury makaraang padapain ng Miami Heat ang Philadelphia 76ers sa score na 106-89.
Matapos hindi makapaglaro ng apat na sunod na games dahil sa sprained right ankle, nakapagtala si Butler ng season-high na 30 points, 10 rebounds at 5 assists.
Pinangunahan naman ng rookie na si Jared McCain ang Philadelphia sa kanyang 20 points, habang nag-ambag ang veteran na si Paul George ng 18 points.
Ang 76ers center na si Joel Embiid na naglaro pa rin sa kabila ng pagiging listed bilang questionable dahil sa sakit, ay gumawa ng 11 points, 8 rebounds, at 5 assists sa loob ng tatlumpu’t isang minuto.
