NAGKAKILALA na ng personal ang BTS member na si J-Hope at Filipina content creator na si Niana Guerrero.
Sa kanyang instagram story, nag-post si Niana ng kanyang litrato kasama si J-Hope, at tinag niya ang BTS member.
Ni-reshare naman ng K-pop idol ang naturang story at sinabi nitong nagkakilala na rin sila, sa wakas!
Nagkita ng personal ang dalawa matapos ang matagumpay na two-night concert ni J-Hope sa bansa.
Unang finallow ni Hobi si Niana sa tiktok noong Pebrero.
Noong nakaraang buwan naman, ay pinabilib ng Pinay dancer ang social media users matapos makasama sa sayaw ang Blackpink member na si Lisa Manoban.
