KINUMPIRMA ng Bureau of Fisheries and Aquatic Resources (BFAR) ang presensya ng nakalalasong Red Tide sa mga water sample na kinolekta sa dalawang katubigan sa Samar.
Batay sa laboratory results ng BFAR, positibo sa Red Tide ang Irong-irong Bay sa Catbalogan City sa Samar at Matarinao Bay sa General Macarthur, Quinapondan, Hernani, at Salcedo sa Eastern Samar.
Bunsod nito, pinayuhan ng BFAR ang publiko na iwasang humango, magbenta, at kumain ng lahat ng uri ng shellfish, gaya ng tahong at talaba, at alamang, sa mga nabanggit na katubigan.
Ligtas namang kainin ang iba pang lamang dagat, gaya ng mga isda, pusit, hipon, at alimango basta’t sariwa at alisin ang mga hasang at bituka, saka hugasang mabuti bago iluto.
