7 February 2025
Calbayog City
Local

Ipinagbabawal na anti-personnel mines, nadiskubre sa Llorente, Eastern Samar

NADISKUBRE ng militar ang ipinagbabawal na anti-personnel mines na pag-aari ng New People’s Army (NPA) sa Llorente, Eastern Samar.

Natagpuan ng mga tauhan ng 78th Infantry Battalion ang landmine cache sa bulubunduking bahagi ng Barangay Antipolo.

Ayon kay 78IB Commander, Lt. Col. Joseph Bugaoan, katuwang ang Municipal Police Station ng Llorente, nadiskubre nila ang apat na landmines na ipinagbabawal sa ilalim ng International Humanitarian Law, isang rifle grenade, 22 carbine ammunition, apat na handheld radios, at iba pang kagamitan ng mga rebelde.

Sinabi ni Bugaoan na ang mga ipinagbabawal na kagamitan sa pakikidigma ay mula sa mga natirang miyembro ng Apoy Platoon sa ilalim ng Eastern Visayas Regional Party Committee ng NPA.

ricky
A seasoned broadcast journalist, a former news reporter/anchor of Inquirer Television/Radio Inquirer-Manila under the Inquirer Group of Companies (IGC).