BUMAGAL ang inflation rate sa bansa sa ikalawang buwan ng 2025, ayon sa Philippine Statistics Authority (PSA).
Sa press conference sa Quezon City, inihayag ni Deputy National Statistician at PSA Assistant Secretary Divina Gracia Del Prado na naitala sa 2.1 percent ang inflation o ang bilis ng paggalaw ng presyo ng mga bilihin at serbisyo, noong Pebrero.
Mas mabagal ito kumpara sa 2.9 percent inflation na nai-record noong Enero.
Ang February inflation figure ay pinakamababa rin simula noong Setyembre ng nakaraang taon na naitala sa 1.9 percent.
