ILILIPAT ni Filipino olympian at pole vaulter na si EJ Obiena ang kanyang focus sa outdoor season, bunsod ng hindi paglalaro sa world athletics indoor championship dahil sa kakulangan ng kompetisyon.
Sa kanyang post sa facebook, sinabi ni Obiena na bagaman may panahon pa para mag-qualify sa world indoor championships, wala nang kompetisyon na natitira para sa kanya na maari niyang salihan.
Ipinaliwanag ng pinoy olympian na ang huling kompetisyon ay noong Feb. 16 sa Torun, Poland at sunod na nakuha niya ay sa Mondo classic sa March 13, na nasa labas na ng qualification period.
Inihayag pa ni Obiena na bagaman hindi siya makapaglalaro sa indoor championships, ay sisimulan na niya ang paghahanda para sa outdoor season.
