Magbabalik ang highest-grossing Filipino Film of all time na “Hello, Love, Again” sa Los Angeles bilang bahagi ng Manila International Film Festival 2025.
Kasunod ng magandang pagtanggap sa nakalipas na festivals, itatampok sa center stage sa TCL Chinese Theatre na matatagpuan sa sentro ng Hollywood ang pelikula nina Kathryn Bernardo at Alden Richards.
Ang festival na gaganapin sa Jan. 30 hanggang Feb. 2, 2025, ay bahagi ng commitment ng MIFF upang ibida ang magagandang pelikula at mahuhusay na talento ng mga Pilipino sa international audience.
Bukod sa “Hello, Love, Again”, kabilang din sa MIFF program ang sampung entries mula sa 2024 Metro Manila Film Festival (MMFF).
