Inobliga ni pangulong Ferdinand “Bongbong” Marcos Jr. ang mga ahensya ng pamahalaan, mga kumpanyang pag-aari ng pamahalaan, at mga pampublikong paaralan at unibersidad na isama ang awit at panata ng Bagong Pilipinas sa lingguhang flag ceremonies.
Ayon sa Malakanyang, ang “Bagong Pilipinas” na tatak ng pamamahala ng Marcos Jr. Administration, ay matatawag na “principled, accountable at dependable government” na suportado ng mga mamamayang aktibo at binigyan ng kapangyarihan.
Ang himno na “Panahon ng Pagbabago” ay panawagan sa mga Pilipino na magkaisa para sa Bagong Pilipinas sa pamamagitan ng pagsusumikap, suportahan ang lokal na produkto at serbisyo, maging magalang at maging mahusay sa kani-kanilang larangan upang mabigyan ng karangalan ang bansa.
