KABUUANG pitundaan siyamnapung litro ng oil-water mixture at limang sako ng debris na kontaminado ng langis ang nakolekta mula sa sumadsad na MV Mirola 1 sa Bataan.
Ayon sa Philippine Coast Guard (PCG), nakuha nila ang mga ito sa pamamagitan ng absorbent pads.
Patuloy na nagsasagawa ang PCG ng oil recovery at containmen operations habang binabantayan din ang oil spill booms sa concerned area.
Huwebes nang simulan ang recovery operations sa MV Mirola 1 na sumadsad sa bisinidad ng Sitio Quiapo, Barangay Biaan, sa bayan ng Mariveles noong July 31.
Bukod sa sumadsad na barko, nirerespondehan din ng PCG ang oil spill sa Bataan mula sa Motor Tankers na Terranova na may kargang 1.4 liters ng industrial fuel oil at Jason Bradley na may 5,500 liters ng diesel.
